Partitë e pakicave do të fillojnë këto ditë bisedimet me Partinë Demokratike të Socialistëve si subjekte të veçanta,  çka e konfirmoi dje edhe kandidati i kësaj partie për kryeministër Dushko Markoviq.

Megjithë takimet e zhvilluara, duket se partitë e pakicave nuk kanë arritur marrëveshje për një platformë të përbashkët, shkruan gazeta “Vijesti”, dhe në bisedime do të hyjnë secila me kërkesat e veta. Sipas burimeve të kësaj gazete duket se me versionin e platformës së përbashkët kishte pakënaqësi, por nuk saktësohet se nga cila palë.