Partitë opozitare në Mal të Zi do të kërkojnë nga presidenti Filip Vujanoviq mandatin për formimin e qeverisë së përkohëshme e cila do të përgatiste zgjedhjet e reja, të lira dhe të barabarta, pa pjesmarrjen e Partisë Demokratike të Socialistëve. Kjo, siç shkruan Vijesti, është arritur në mbledhjen e mbrëmshme të përfaqsuesve të koalicionit Çelësi, Frontit Demokratik, Demokratëve, dhe Partisë Socialdemokrate. Presidenti Vujanoviq ka caktuar për ditën e nesërme takimet me përfaqësuesit e partive parlamentare , pas të cilave do të emërojë edhe kandidatin për formimin e qeverisë. Partitë opozitare do të mblidhen edhe sot për të përcaktuar përfaqsuesin në takimin me presidentin Vujananoviq.