Nga nesër, 4 janar, çmimet e benzinës do të shtrenjtohen dy cent, ndërsa nafta një cent më shumë, njoftoi Ministria e Energjisë dhe Minierave.

Siç thonë ata, çmimi i BMB 98 do të jetë 1.52 euro për litër krahasuar me ditët e kaluara, që është dy cent më i shtrenjtë.

BMB 95 do të kushtojë 1,48 euro për litër, gjithashtu dy cent më shumë, nafta për ngrohje – 1,40 eur/l ose një cent më shumë dhe Eurodieseli – 1,43 euro/l ose një cent më shumë.

“Sipas përcaktimeve të Rregullores për mënyrën dhe sasinë e elementeve mbi bazën e të cilave formohen çmimet maksimale të derivateve të naftës, do të bëhet përllogaritja e radhës më 15 janar dhe çdo ndryshim i çmimeve të derivateve të naftës do të jetë i vlefshëm nga data 16 janar 2024”, thekson Ministria e Energjisë dhe Minierave.