Ne ia kemi borxh të vërtetën dhe drejtësinë Dushko Jovanoviqit dhe ia kemi borxh vetes mundësinë për të ndërtuar një shoqëri në të cilën liria e fjalës është e sigurt, tha Presidenti i Malit të Zi, Jakov Millatoviq, me rastin e 20 vjetorit të vrasjes së redaktorit të gazetës “Dan”.

“Sot shënohet 20 vjetori i vrasjes së Dushko Jovanoviqit, redaktorit të gazetës së përditshme DAN dhe gazetarit trim që vdiq për lirinë e fjalës. Pres nga organet kompetente që përfundimisht të ndriçojnë të gjitha rrethanat e këtij rasti, sepse vetëm kështu mund të vendosim themelet për një shoqëri transparente dhe të përgjegjshme në të cilën mbrohet e drejta e çdo qytetari për të ditur”, tha Millatoviq.

Sipas presidentit të shtetit, më e pakta që mund të bëjë shteti për të shlyer punën e përkushtuar të Dushkos është ngritja e një memoriali, të cilin ai thotë se e ka iniciuar vitin e kaluar.

“Memoriali do të ishte simbol i luftës për të vërtetën dhe drejtësinë, por edhe një paralajmërim se krimet kundër gazetarëve nuk duhet të tolerohen apo harrohen”, përfundoi Millatoviq.