Brahim Diaz e dërgoi skuadrën e tij në epërsi prej dy golave.

Diaz realizoi në minutën e 16-të dhe të 41-të.

Divock Origi u përkujdes për golin e tretë në minutën e 65-të.

Ndërkohë, Monza që sivjet po garon për herë të parë në Serie A, e ngushtoi epërsinë 20 minuta para fundit nëpërmjet Filippo Ranocchias.

Por, portugezi Rafael Leao e vulosi rezultatin përfundimtar të ndeshjes, me golin e minutës së 84-t.

Milani shkon në kuotën e 26 pikëve në 11 ndeshje të zhvilluara.

Monza në mesin e tabelës ka 10 pikë në 11 takime.