Lëvizja Qytetare ABR, CIVIS dhe Alternativa Shqiptare kanë dorëzuar së bashku listën e këshilltarëve për zgjedhjet lokale në Tivar , bartës i së cilës është nënkryetari i ABR dhe ministri aktual i zhvilimit ekonomik the turizmit, Goran Gjuroviq.

“Ekipi ynë do të arrijë një rezultat të madh dhe ky do të jetë fillimi i një koalicioni të suksesshëm. Është e rëndësishme që qytetarët e Tivarit të dalin në votime dhe të vendosin në cilin drejtim do të zhvillohet qyteti ynë. Rruga e deritanishme e premtimeve të rreme që PDS ka ndjekur deri më tani, mendoj se është pas nesh. Ata kanë pasur një mundësi të tregojnë atë që dinë dhe e kanë humbur. Ne duam të tregojmë atë që dimë dhe besojmë në potencialin e Tivarit”, tha kryeministri në detyrë dhe kryetari i ABR Dritan Abazoviq.

Ai ka theksuar, siç thuhet në njoftimin e kësaj partie, se çdo bashkësie lokale në Tivar i mungon shumë. Bartësi i listës, Goran Gjuroviq, theksoi se është e papranueshme që Ostros të harrohet plotësisht, të mos ketë ujë dhe që Merkoti ka 30 vite që vuan për mungesë të rrugës. Kryetari i AA, Nik Gjeloshaj, tha se do të dlshmojnë se nuk janë vetëm dy palë që e ndajnë Malin e Zi, por ka edhe që e pajtojnë. “Ne mund të punojmë së bashku drejt zhvillimit të vendit tonë dhe të gjitha komunave të tij”, tha Gjeloshaj.