Nga Lista Shqiptare akoma nuk ka një vendim final nëse do të marrin pjesë apo jo në qeverinë e re të vendit. Sipas burimeve jozyrtare nga ky koalicion, me rëndësi thonë ata është që i mandatuari Zdravko Krivokapiq, i ka pranuar kërkesat e tyre, dhe pjesmarrja në qeveri për ta nuk konsiderohet e rëndësishme. Risi përbën dorëheqja e bartësit të listës Nik Gjeloshaj nga posti i deputetit, pasi ndodhet në konflikt interesi si kryetar komune, ndërsa vendin e tij do ta zërë Genci Nimanbegu.