Në seancën e sotme të Kuvendit të Malit të Zi do të fomohet edhe qeveria e re e vendit, ku kandidati Dushko Markoviq do të paraqesë  emrat e ministrave të rinj si dhe programin e qeverisë për periudhën e ardhshme.

Pas nënshkrimit të marrëveshjes së mbrendshme në mes PDS dhe pakicave, në qeveri do të marrin pjesë edhe Partia Boshnjake, Iniciativa Qytetare Kroate, koalicioni “Shqiptarët të vendosur”, si dhe Socialdemokratët. Opozita më herët ka njoftuar se nuk do të marrë pjesë në seancat e Kuvendit deri sa të zbardhet ngjarja e grusht shtetit në ditën e zgjedhjeve të 16 tetorit.