Kuvendi Komunal: 22 këshilltarë ndajnë pagën mujore për luftën kundër virusit
Prej tvteuta16:41, 25 Mars 2020
![](http://tvteuta.com/wp-content/uploads/2019/10/kuvendi89983ui-110x96.jpg)
Kuvendi Komunal i Ulqinit edhe pse nuk mban mbledhje është duke përcjellur me vëmendje situatën e krijuar nga koronavirusi dhe vazhdon me aktivitetet e veta, thonë nga ky institucion. Lidhur me këtë, ata kanë lavëdruar punën e ndërmarrjes “Veprimtaritë komunale”, Shërbimit të Mbrojtjes dhe shpëtimit, Policisë Komunale dhe Policisë së Shtetit, e në veçanti bluzave të bardha si dhe mësimdhënësve që po e mbajnë procesin arsimor gjallë në kushte të reja. Gjithashtu njoftohet se 22 këshilltarë të këtij kuvendi kanë ndarë pagat e tyre mujore për luftën kundër sëmundjes Covid 19. Po ashtu, ndërmarrjeve publike “Veprimtaritë komunale” dhe “Ujësjellës kanalizime” u është sugjeruar që në ofrojnë lehtësira për amvisëritë në këtë situatë të rënduar, kurse bizneseve të mos u faturojnë shërbimin gjatë kohës që nuk ushtrojnë aktivitetin e tyre.