Aktuale Më shumë

Kush e nxit më shumë shtimin në peshë, pijet apo ushqimet

Prej tvteuta15:52, 4 Nëntor 2022

Pijet apo ushqimet me sheqer tashmë janë kudo dhe konsumohen nga shumica e njerëzve. Duke filluar që nga fëmijët e vegjël e deri tek më të moshuarit. Janë kthyer aq shumë pjesë e jetës së përditshme, sa efektet e tyre negative prej vitesh po shfaqen gjithnjë e më shumë.

Këto ushqime dhe pije janë pa dyshim në majën e listës së shfaqjes së shumë sëmundjeve, siç është diabeti, obeziteti apo sëmundjet kardiovaskulare.

Megjithëse çdo pije e mbushur me sheqer industrial është e dëmshme, së fundi ekspertët i ndajnë në dy kategori për sa i përket shtimit në peshë.

Një grup ekspertësh nga Mbretëria e Bashkuar dhe Kina, së fundi kanë hedhur dritë mbi këtë çështje.

Studimi tregoi se nivelet e sheqerit te gjendur tek pijet e konservuara dhe ushqimet e këtij lloji, nuk japin te njëjtin efekt në organizëm.

Konsumimi i pijeve me sheqer ndikon shumë më shumë se ushqimi tek shtimi në peshë, obeziteti apo shfaqja e hershme e kolesterolit.

Kjo për shkak se gjatë konsumimi të sheqernave në formë të lëngshme, trupi i përthith më shpejt.

Duke u bërë shkak për shumë sëmundje të ndryshme dhe rrezikun e kalimit në paradiabet apo diabet.

Shqetësimi i ekspertëve ngrihet pas përhapjes së sëmundjes së diabetit në të gjithë botën dhe klasifikimit të saj si një nga sëmundjet më vdekjeprurëse.

Gjithashtu edhe nga shtimi i konsumit të pijeve me sheqer pa kufi nga të gjitha moshat.

 

  • 1

    Radio