Lideri i ri i Vetëvendosjes, Visar Ymeri rikonfirmon kundërshtimin e këtij subjekti ndaj Gjykatës Speciale, e cila, sipas tij, shkel mbi parimet bazë të shtetit të Kosovës. Në një intervistë për gazetën ‘Zëri’, Ymeri nuk i përjashton edhe protestat si mundësi për kundërshtimin e këtij mekanizmi që në ‘target’ e ka UÇK-në. Sipas tij, nëse nuk kalon në Kuvendin e Kosovës , Gjykata Speciale nuk mund të formohet në Organizatën e Kombeve të Bashkuara, pasi që OKB-ja nuk ka mandat për të formuar një gjykatë të këtij lloji.