Kryetari Cungu priti koordinatoren për projekte të ambasadës së Norvegjisë
Prej tvteuta16:15, 1 Shtator 2016
Kryetari i komunës Nazif Cungu priti në takim koordinatoren e programit per projekte bilaterale zhvillimore e Ambasadës së Mbretërisë së Norvegjisë Nela Joviq. Biseda u fokusua në Projektin ,,Zhvillimi i qëndrueshëm i ekosistemit detar dhe bregdetar nëpërmjet mbrojtjes së faunës,, që realizohet në territorin e komunës tonë me mbështetjen e ambasadës së Norvegjisë gjegjesisht fondin e ambasadës së Norvegjisë në Beograd i cili është i hapur edhe për projektet nga Mali i Zi. .
Edhe në këtë takim u tha që rritja e vetedijës të masave për të ndërprerë dukuritë negative të peshkimit është i një rëndësie të vecantë, sepse në të kundërtën kërcënohet ripërtrirja e peshkut dhe zhdukja e disa llojeve të rralla. Kryetari Cungu insiston në implementimin e pervojave evropiane në këtë fushë. Nga organet shteterore ,do të kërkohet shtimi i numrit të inspektorëve në terren, ndërkohë që shpreson se me riorganizimin e Ndërmarrjeve publike që merren me këtë veprimtari , situata në terren do të përmirësohet më shumë. Ai njoftoi përfaqësuesen e Ambasadës së Norvegjisë se Zyra për bashkëpunim ndërkombëtar dhe projekte edhe metej do të jetë e fokusuar në projekte të këtij lloji. Udhëheqësja e Programit –Nela Joviq do të jetë në terren si dhe do të vizitojë zyrën për projekte.