Dje në Kinë u firmos Memorandumi Bashkëpunimit midis Shqipërisë, Malit të Zi dhe kompanisë private kineze “Pacifik”, për mundësinë e ndërtimit të Korridorit Blu.

Nga pala shqiptare ishte ministri i Transportit dhe Infrastrukturës Edmond Haxhinasto që firmosi marrëveshjen në prezencë të kryeministrit Rama, së bashku me homologun malazez Ivan Brajoviq dhe presidentin e kompanisë “Pacifik”, Yan Jiehe.

Korridori Blu, ose autostrada Adriatiko-Joniane, do të lidhë gjithë bregdetin e Adriatikut dhe detit Jon, prej Sllovenisë, Kroacisë, Mal të Zi, Shqipërisë dhe do të përfundojë në Greqi.