Nga Komuna e Ulqinit lajmërojnë të gjitha organizatat joqeveritare, personat fizik dhe juridik që punën e tyre të mbledhjes së ndihmave humanitare duhet ta bëjnë vetëm nëpërmjet Trupit koordinues komunal për mbrojtje dhe shpëtim, i cili për këtë qëllim ka formuar edhe qendrën logjistike për shpërndarjen e ndihmave. Nga pushteti lokal paralajmërojnë se çdo aktivitet individual pa miratimin e këtij trupi lokal dhe Trupit koordinues nacional, është në kundërshtim me masat, urdhërat dhe vendimet e sjellura nga ky organ për parandalimin e përhapjes së koronavirusit.