Duke filluar nga dita e hënë dy ekipe të përbëra nga përfaqësuesi i Sekretariatit  për buxhet  dhe  financa, ai i Policisë  komunale  dhe  përfaqësuesi i Ndërmarrjes Publike ,,Veprimtaritë komunale”  do  të dalin në terren  dhe shtëpi më shtëpi do  të kontrollojnë  shlyerjen e tatimeve, taksave dhe huazimet që  konsumatorët kanë ndaj ndërmarrjes ,,Veprimtaritë komunale,, , thuhet në faqen zyrtare të Komunës.

Ky  aksion do të  vazhdojë  gjatë tërë sezonit turistik dhe ka  për qëllim grumbullimin më  cilësor  të  taksave dhe  obligimeve që kanë qytetarët ndaj komunës dhe ndërmarrjes ,,Veprimtaritë komunale,, .Më tej thuhet se kryetari  Cungu angazhohet  për transparencë të  përgjithshme dhe masa që janë  konformë normave ligjore. E tërë  puna e inspektorëve në terren do të mbikqyret  detajisht  nga Sekretarët e sekretariateve, nënkryetarët dhe nga ana e vetë Kryetarit të komunës.