Ambasadori slloven në NATO Jelko Kacin, tha se dinamika e anëtarësimit të Mali të Zi në Aleancë nuk përcaktohet vetëm nga shtetet antare, por edhe nga vendi kandidat. Kacin tha se NATO e ka bërë tashmë të qartë qëndrimin e vet dhe në përputhje me rrethanat vendosi të dërgojë ftesë për anëtarësimin e Malit të Zi”.

Sa i përket procedurës së ratifikimit, Kacin u shpreh se çdo ratifikim është i rëndësishëm dhe nuk duhet pasur frikë se nuk do të ndodhë. Në pyetjen nëse Shtetet e Bashkuara do ta ratifikojnë protokollin e anëtarësimit para zgjedhjeve presidenciale, ai shprehu shpresën se kjo do të ndodhë para përfundimit të mandatit të presidentit Barack Obama, dhe deri në fund të këtij viti.