Vendet e Bashkimit Europian po kthejnë çdo ditë shqiptarët të cilëve iu është refuzuar kërkesa për azil. Mesditën e së premtes një avion charter mbërriti nga Holanda me reth 30 të rinj, një pjesë e të cilëve kishin kërkuar azil dhe  disa të tjerë ishin kapur nëpër porte duke udhëtuar në mënyrë klandestine drejt  Londrës. Të gjithë janë kthyer në mënyrë të detyruar në Shqipëri dhe mes tyre janë edhe dy vajza. Një ditë më parë u kthyen nga Gjermania 180 azilkërkues, të cilët kishin pritur 9 muaj për të përfituar azil, por që nuk i përmbushnin kriteret.