Kohëve të fundit panairet e artizanëve janë duke marr hov të madh. Artistët dhe artizanët shqiptar janë duke u prezantuar në çdo vend të rajonit. Shoqata “Globus Art” mori pjesë me artizanët e vet në  panairi në Shëngjin me rastin e hapjes së sezonit turistik. Ramiz Hajdari kryetari i shoqatës është i kënaqur me paraqitjen e tyre.

Risi këtë vit ishte pjesmarrja në Kralovë në Serbi ku morën pjesë në  Festivalin e punimeve shtëpiake në të cilin u prezantuan me punime dore nga trevat shqip folëse.

Kryetari i shoqatës “Globus Art” Ramiz Hajdari përveç që paralajmron panaire në Shqipëri dhe Maqedoni, gjithashtu shtoj se në fillim të muajit gusht kjo shoqatë do të organizoj panairin më të madh në Ulqin i cili do të mbahet nën bedemet e Kalasë së Ulqinit.