Mbrëmë në Galerinë e Arteve të Qendrës për Kulturë, nën organizimin e fondacionit “Studenti” u mbajtën garat tradicionale të recituesve të rinj. Edicioni i 11 ashtu si edhe ato të mëparshmit mblodhën mjaft të rinj të talentuar në fushën e recitimit në nivel lokal. Në kategorinë e shkollave fillore recituesja më e mirë u shpall Esmerinda Lekperiq nga shkolla “Gjergj Kastrioti Skenderbeu” në Krajë. Në nivel të shkollës së mesme fituese u shpall nxënësja e vitit të parë Neira Mujali, ndërsa çmimi special shkoi për Florentina Lekperiq, nxënëse e klasës së katërt, poashtu nga shkolla “Gjergj Kastrioti Skenderbeu”.