Grupet negociuese të Forcës së Re Demokratike dhe Unionit Demokratik të Shqiptarëve, të kryesuar nga kryetarët Nazif Cungu dhe Mehmet Zenka, janë takuar në Ulqin në lidhje me zgjedhjet e ardhshme parlamentare.

Bisedat janë zhvilluar në frymën e mirëbesimit dhe duke analizuar mënyrat më optimale për bashkëpunimin në mes këtyre dy partive, e me këtë edhe të shqiptarëve në Mal të Zi. Të dy grupet janë dakorduar plotësisht që koalicioni në mes Forcës dhe Unionit është domosdoshmëri për realizimin e të drejtave të shqiptarëve në Mal të Zi.

Grumbullimi i potencialit të dy subjekteve janë garanci e realizimit efikas të synimeve dhe programeve politike në interesin e përgjithshëm të shqiptarëve. Koalicioni i Forcës dhe Unionit është duke vazhduar biseda me subjektet e tjera politike shqiptare dhe i hapur për përfshirjen e të gjitha subjekteve në një listë të vetme, thuhet në kumtesën për media të këtyre partive.