Kryetari i Komunës Nazif Cungu  me bashkëpunëtorët e tij  u takuan me përfaqësuesit e qytetarëve  që jetojnë në afërsi të  kanalit  Port Milena në Kepin e Gjeranave, si dhe Drejtorin administrativ të Kripores Ognjen Jovoviq.

Qytetarët duke përshëndetur nismat e Z. Cungu për takime me banorët e Bashkësive Lokale dhe zgjidhjen e problemeve, shprehën kërkesën, respektivisht nevojën sipas tyre të mbylljes së kanalit të Kripores, që  jo rrallë herë është bërë shkak  i aksidenteve  të komunikacionit dhe të tjera. Banorët janë të gatshëm që dhe vetë  të japin kontributin e tyre material. Mbyllja e kanalit thonë ata do të mundësonte zgjerimin e  rrugës dhe shmangjen e fatkeqësive. Nga ana tjetër drejtori Jovoviq, nuk kundërshton idenë e qytetarëve  por  thotë që duhet patur kujdes që  funksionimi normal i kripores  mos të vihet në pikëpyetje. Kryetari Cungu theksoi se kërkesa  e qytetarëve duhet shqyrtuar me  vëmëndje dhe të angazhohen sekretariatet për përgaditjen e projektit ideorë. Ai përshëndeti idenë  e vetëfinancimit por siguroi se edhe komuna mund të japë kontributin e saj , qoftë material  apo nëpërmes shlyerjes së tatimeve  për qytetarët që do të kenë dhe barrën më të rëndë materiale. Ai tha se  takimet per këtë ceshtje do të vazhdojnë  deri në zgjidhjen në interes të të gjitha palëve.