FBI është gati të ofrojë mbështetje konkrete për Malin e Zi
Prej tvteuta10:26, 31 Gusht 2022
![](http://tvteuta.com/wp-content/uploads/2022/08/01320000-0aff-0242-b0e1-08da8a8d4bed_cx0_cy16_cw0_w1597_n_r1_st_s.jpg)
Byroja Federale e Hetimeve (FBI) e Shteteve të Bashkuara të Amerikës është e gatshme të ofrojë mbështetje konkrete për kolegët malazezë në lidhje me sulmet aktuale kibernetike, për të cilat tashmë po punohet.
Kjo u theksua gjatë takimit të ministrit të Punëve të Brendshme të Malit të Zi, Filip Axhiq dhe drejtorin e Drejtorisë së Policisë Zoran Brgjanin, me përfaqësues të FBI-së. Siç njoftoi Ministria e Punëve të Brendshme (MPB), në ditën e parë të vizitës punuese në SHBA, Axhiq dhe Brgjanin diskutuan modalitetet e mëtejshme të bashkëpunimit dhe mbështetjen e FBI-së për kolegët malazezë.
Siç shtohet, Axhiq vlerësoi bashkëpunimin që policia malazeze ka me FBI-në dhe falënderoi për mbështetjen që MPB-ja dhe policia malazeze marrin si nga Byroja ashtu edhe nga agjencitë e tjera ligjzbatuese amerikane. Atasheu ligjor i FBI-së për Malin e Zi, Serbinë dhe Bosnjë-Hercegovinën, Kenneth Brian, shprehu gatishmërinë e FBI-së për mbështetje specifike ndaj kolegëve malazezë në lidhje me sulmet aktuale kibernetike, për të cilat tashmë po punohet”, thuhet në deklaratën e MPB-së.