Edhe këtë vit në Ulqin do të organizohet turneu më prestigjozë në tenis “Fed Cup”. Është viti i tretë që ky turne në qytetin tonë sjellë emra të njohur nga ky sport edhe që nga viti në vit numri i pjesëmarrësve sa vjen e shtohet.

Ne “Fed Cup” ketë vit priten të marrin pjesë rreth 20 shtete, por që në ditët në vijim do të komfirmohet pjesëmarrja tyre. Edhe këtë viti organizimi i këtij turneu i besohet klubit të tenisit “Belvi”, ku ato si nikoqir janë duke punuar që gjithëçka të jetë në nivelin e duhur. Dy vitet e para klubi i tenisit “Belvi” së bashku me Federatën e tenisit të Malit të Zi ishin organizator të turneut, kurse këtë viti klubi i tenisit “Belvi” e merr në tërësi organizimin e tij, kështu shprehet PR menaxheri i turneut Armend Milla dhe shton që ato janë të përgaditur që këtë vit turneun ta ngrisin në një stad më të lartë.

Nga data 11 prill e deri me datën 16 prill sa do të zgjasë edhe turneu, qyteti jonë do të jetë destinacioni i të gjithë adhuruesve të sportit të tenisit, ky do të jetë edhe një fillim i mbarë i hapjes së sezonit turistikë.