Banka Botërore: Rritja ekonomike e Shqipërisë 3.2%
Prej tvteuta09:15, 25 Tetor 2022
![](http://tvteuta.com/wp-content/uploads/2022/10/ekonomia78872zu22.jpg)
Lufta që po zhvillohet në Ukrainë dhe pasojat e saj në rritjen e shpejtë të çmimeve të energjisë dhe ngadalësimin e rritjes së ekonomisë botërore ka gjasa të kufizojnë ritmet e rritjes ekonomike të Shqipërisë, sipas raportit të fundit të publikuar nga Banka Botërore ditën e djeshme.
Pas rritjes së fuqishme të prodhimit të brendshëm bruto në vitin 2021, rritja ekonomike e vendit parashikohet të ngadalësohet në 3.2 për qind në vitin 2022, thuhet në Raportin e fundit të Rregullt Ekonomik për Ballkanin Perëndimor. Ekonomia e Shqipërisë u rrit me 6 për qind në tremujorin e parë të vitit 2022, e nxitur nga konsumi privat, eksportet dhe investimet.
Tregu i punës shënoi përmirësim dhe papunësia ra në 11.3 për qind.