Të gjithë kandidatët e interesuar prej sot e deri më 15 tetor mund të dorëzojnë dokumentacionin për kreditë studentore pranë Ministrisë së arsimit të Malit të Zi ,e cila vitin e ardhshëm akademik do të ndajë 3 mijë e 400 kredi studentore. Të drejtë kreditimi kanë studentët e studimeve themelore , pastaj të studimeve të specializuara dhe akademike në institucionet e arsimimit të lartë e të cilët për herë të parë kanë regjistruar semestrin në vitin përkatës dhe që nuk kanë ndryshuar programin e studimit. Shfrytëzuesit e mëparshëm të kredive , krahas kërkesës duhet të dorëzojnë edhe vërtetimin se janë studentë të rregullt , pastaj vërtetimin për provimet e dhëna dhe çertifikatë të shtetësisë.