Pashkët janë kulmi i të gjitha festave, Pashkët janë themeli i besimit krishter, janë edhe kalim nga vdekja në jetë, thotë famullitari i kishës së Tuzit, frat Mirash Marinaj. Jemi në një kohë e cila na bën shumë të mendojmë, në kohë pandemie ku mesazhet janë të rëndësishëm për të gjithë, thotë Marinaj. “Normal që duhet të mbyllemi, duhet të kemi më pak resurse ekonomike, por diçka nuk do të na marr askush, e ajo është gëzimi i zemrës. Këtë gëzim nuk do të na marri asnjë pandemi, e asnjë vuajtje tokësore, sepse nuk jemi të thirur për vdekje, por për jetë” shton Marinaj.