Autoritetet amerikane janë vendosur në alarm, pasi dyshohet se janë vendosur tre bomba artizanale në stacionin e trenit në Elizabeth, New Jersey.Policia ka rrethuar zonën, ndërsa pritet që të bëhet shpërthimi i kontrolluar.Ndërsa sipas medieve amerikane, FBI ka arrestuar 5 persona të dyshuar për sulmin në Manhatan, ku mbeten 29 të plagosur. Të dyshuarit janë arrestuar përgjatë autostradës Belt Parkway, ndërsa në makinën e tyre është gjetur një sasi e madhe armësh dhe municionesh. Ndërsa ISIS mori përgjegjësinë për sulmin e mbrëmjes së të shtunës në Minnesota, ku një person i pajisur me thikë goditi 9 persona në një qendër tregtare, e më pas gjeti vdekjen pasi u qellua me armë zjarri nga një polic.Policia deklaroi se terroristi ishte i veshur me një uniformë të një kompanie private sigurie kur hyri në Crossroads Mall dhe  tha disa fraza fetare në arabisht, ndërsa i pyeti personat nëse ishin myslimanë përpara se t’i sulmonte.Agresori u qëllua dhe u vra nga një oficer policie, që nuk ishte në detyrë, por që ndodhej në vendngjarje.