Zjarrëfiksat pa rroba mbrojtëse kundër zjarrit
Prej tvteuta14:43, 1 Korrik 2016
![](http://tvteuta.com/wp-content/uploads/2016/07/zjarrfiksat1-110x96.jpg)
Nga dita e sotme hyn në fuqi urdhëri i kryetarit të komunës për ndalimin e zjarreve në sipërfaqe të hapura.Ndaj atyre që nuk do ti përmbahen urdhërit të kryetarit do të ngriten padi penale ,deklaroi për televizionin Teuta kryeshefi i Shërbimit të Mbrojtjes dhe Shpëtimit , Flamur Sela.
Nga ky shërbim njohtohemi se gjer më tani kanë pasur 140 intervenime, numër ky i përafërt me vitet e kaluara.
Sa i përket autocisternave, Sella shprehet se janë të mjaftueshme,ata posedojnë 9 autovetura, ndërkaq nga dita e sotme një autoveturë do të transferohet në Anë të Malit, një në Shtoj,ndërsa një është dhënë në shërbim Ndërmarrjes për Veprimtari Komunale për pastrimin e rrugëve , që sipas nevoje do ta kenë në shërbim edhe zjarrëfiksat.
Sa i përket fuqisë punëtore ky Shërbim ka nevojë për fuqi punëtore sezonale që kanë arritur një marrëveshje me ministrinë përkatëse pasi komuna e Ulqinit gjendet në planin sanues dhe jemi para zgjedhjeve Parlamentare, dhe nuk guxojnë të marrin fuqi punëtore sezonale,shprehet sella.
Zjarrëfikësat shpesh rrezikojnë edhe jetën e tyre për të shpëtuar jetën dhe pronën e qytetarëve,por ata sot e kësaj dite nuk kanë rrobat mbrojtëse kundër zjarrit,edhe pse disa herë është kërkuar nga kryeshefi Sella të zgjidhet ky problem që dikujt mund të ja shpëtojnë jetën.