Tranzicioni i gjelbër mund të jetë çelësi kryesor i përparimit të Malit të Zi
Prej tvteuta17:29, 5 Dhjetor 2021
![](http://tvteuta.com/wp-content/uploads/2021/12/1.jpg)
Potenciali i plotë i rritjes mund të arrihet vetëm përmes tranzicionit të gjelbër, e cila për Malin e Zi, si një vend i cili mvaret nga turizmi, mund të jetë çelësi kryesor konkurrues për Malin e Zi, tha nënkryetarja e Bankës Evropiane të Investimeve (EIB), Liliana Pavllova.
“Prioriteti ynë është të ndihmojmë rajonin të kalojë nga qymyri në burime më efikase të energjisë, le të zgjidhim ndotjen e mjedisit dhe efektet negative të ndryshimeve klimatike”, ka thënë Pavllova për agjensinë Mina.
Ajo shtoi se veprimet klimatike ofrojnë mundësi të pashembullta për zhvillimin social dhe ekonomik në rajon dhe se BEI do të punojë me partnerë, si Fondi i Investimeve dhe Zhvillimit (IRF), për të siguruar stimuj për investime të gjelbërta për zhvillimin ekonomik dhe social dhe integrimin rajonal
Pavllova kujtoi se pandemia dhe ndryshimet klimatike kanë shkaktuar çrregullime të mëdha, veçanërisht në sektorin privat, dhe se BEI, përveç mbështetjes së rimëkëmbjes më të shpejtë, dëshiron t’ua lehtësojë përshtatjen ndërmarrjeve të vogla dhe të mesme me rrethanat e reja dhe kushtet e reja të tregut.
Sipas saj, BEI dëshiron të ofrojë mbështetje të përshtatur për Malin e Zi për një gamë të gjerë fushash, nga arsimi, shëndetësia dhe uji deri te infrastruktura e transportit dhe sektori i energjisë. Përmirësimet në ato fusha do të ndihmojnë në forcimin e ekonomisë dhe qëndrueshmërinë ndaj krizës, tha ajo.
BEI do të vazhdojë të investojë në sektorin privat, për të përshpejtuar krijimin e vendeve të reja të punës, veçanërisht për të rinjtë, ka përfunduar Pavllova.