• Etiketë: turizem

    Ulqinit ju kthye “buzëqeshja” fluks i paparë i turistëve ja mësyjnë plazheve të Ulqinit

    Posted on by tvteuta

    Ulqini po shënon numër rekord të mysafirëve, në ditët në vijim pritet fluks edhe më i madh nga diaspora. Mysafirët shprehen të kënaqur me kushtet që ofron ky qytet bregdetar

    Fundi i korrikut mund të karakterizohet si  piku i sezonit turistik ku sipas disa të dhënave jozyrtare në Ulqin aktualisht janë duke pushuar mbi 80 mijë turist.

    Kjo më së shumti vërehet në komunikacionin e dendur në qytet dhe në aksin rrugor nga Pompa e derivateve “ Dalypetrol “ deri tek Plazhi i Madh. Ulqini po shënon një rekord të numrit të turistëve.

    Ajo çfarë është karakteristikë e këtij sezoni është struktura e mysafirëve që këtë vit ka ndryshuar , paraprijnë mysafirët nga Kosova, por këtë vit vërehet një rritje e dukshme e pushueseve nga Serbia,Bosnja dhe Hercegovina, Novi Pazari, dhe ditëve të fundit fluks më i madh i mysafirëve nga diaspora, shprehet Hajdar Murati pronar i Plazhit dhe restorantit MCM

    Ai shprehet se fuqia konsumatorë nuk është siç është pritur, por pa dyshim që janë shumë të kënaqur me sezonin turistik që i ka tejkaluar pritshmëritë edhe të një optimisti më të madh.

    Nëse vazhdohet me këtë ritëm, këtë vit Ulqini do të shënoje një vit rekord të mysafirëve, që varet nga shumë faktor të cilët mund të ndikojnë negativisht, duke menduar këtu pikë së pari në situatën epidemiologjike në vend dhe rajon, po edhe nga kushtet atmosferike.

    H.Nelaj

    Nimanbegu zgjedhet nënkryetar i Këshillit për turizëm dhe bujqësi – Na duhen plane te qendrueshme (video)

    Posted on by tvteuta

    Sot në Kuvendin e Malit te Zi është mbajtur mbledhja e parë e Këshillit për turizëm, bujqësi, ekologji dhe planifikim hapsinorë, në të cilën deputeti Genci Nimanbegu është emëruar për nënkryetar të këtij këshilli.  Deputeti Nimanbegu i ftoi anëtarët e këshillit për bashkëpunimin më të mirë të mundshëm, duke theksuar se problemin e bujqësis në Mal të Zi duhet ta zgjidhin së bashku.

    Nimanbegu në mbledhje tha se numri i cili tash është i evidentuar në 3.314 shfrytëzues të drejtës për marrjen e kompenzimit të pleqësisë, në Mal të Zi është shumë më i lartë, por amvisëritë  janë të vogla dhe të shpërndara, kurse shumë nga bujqit kanë punuar diku ose kan pasur të ardhura tjera dhe nuk kanë pasur të drejtë ta shfrytëzojnë këtë kompenzim.

    “E theksoj këtë sepse sot ndër pikat e rendit të ditës së këtij takimi ishte edhe Propozim ligji mbi ndryshimin e Ligjt për bujqësi dhe zhvillim rural i propozuar nga një grup deputetësh në pushtet dhe i cili parasheh ndryshimin e nenit 24, me të cilin do të bëhet rritja e kompenzimeve të pleqërisë e cila nga 1 korriku i këtij viti parashihet të rritet nga 72,89 euro në 102,03 euro. Unë si deputet e kam përkrahur këtë propozim ligj dhe kam theksuar se asnjë njeri racional nuk mund të ketë diçka kundër, por duhet ta përkrahim.

    Ne duhet të punojmë së bashku dhe të gjejmë mënyrën se si duhet të lidhim atë që te ne është konkuruese dhe që mund të jetë e qëndrueshme dhe afatgjate, e kjo është turizmi dhe bujqësia. Kjo është edhe çështja kryesore e këtij këshilli dhe ne duhet të përforcojmë qasjen dhe rrolin tonë si deputet, sepse për mua është tejet dështuese ajo që ka deklaruar ministri Stijoviq që dikush për 10 vite ka marrë 400 ose 500 mijë euro, pa i kontrolluar askush, kurse neve si deputet japim llogari për çdo para a e kemi marrë në mënyrë të ndershme apo të pandershme” – deklaroi Nimanbegu në mbledhjen e Këshillit për turizëm, bujqësi, ekologji dhe planifikim hapsinorë.

    • 1

    Radio