Sot me datën 17.01.2022 Erdogan vizitoi Shqipërinë për të dorëzuar çelësat e mbi 520 shtëpive apo banesave pronarëve të prekur nga termeti. Tashmë ato janë gati, në trajtën e një lagjeje të re dhe modern. Kanë qenë inxhinierë dhe punëtorë turq që punuan bashkë me ata shqiptarë për të bërë të mundur ndërtimin e një qyteze të vërtetë në Laç, pas shkatërrimit të tërmetit të 26 nëntorit 2019.
Vizita e Presidentit u shoqërua nga masa të larta sigurie si të Shqipërisë ashtu dhe të agjencive të sigurisë nga Turqia. Disa rrugë u bllokuan në Shqipëri për shkak të mbarëvajtjes së vizitës pa incidente. Nga Ankaraja kanë mbërritur dje në Rinas efektivë të gardës turke por edhe të shërbimeve sekrete e ushtarake nga ky vend. Ndërkohë, Laçi është bërë gati për të pritur Presidentin turk, Recep Tayyip Erdogan.
