Pas një viti monumenti i Lirisë akoma i pa lyer, ambienti nuk mirëmbahet
Prej tvteuta14:50, 15 Nëntor 2022
![](http://tvteuta.com/wp-content/uploads/2022/11/DJI_0401-scaled.jpg)
Në 7 nëntor të vitit 2021 solemnisht u shënua përfundimi i punimeve në rregullimin e mikrolokacionit 030 pranë monumentit të Lirisë në Pinjesh.
Në këtë projekt u bë adaptimi i shkallëve në formë tribune, vendosja e lisharseve për fëmijë, instalimi i ndriçimit, mbjellja e barit anglez dhe fidaneve si dhe vendosja e mobiljeve urbane.
Deri këtu jemi në rregull!
Por si atë ditë e sot monumenti i Lirisë na mbeti i lyer vetëm deri në gjysëm.
Brenda 365 ditëve nuk u gjet koha dhe mundësia që ky punim të përfundohet plotësisht.
Pyetëm sekretariatet në Komunën e Ulqinit, por duke qënë se kemi të bëjmë me një strukturë të re, kërkuan kohë që të gjejnë përgjigjet.
E mirë, kemi mirëkuptim!
Por pse nuk po mirëmbahet?
Lisharëset për fëmijë kanë filluar që të shkatërrohen, dhe pllakat e vendosura kanë filluar të mbulohen nga bari.
Ky është një projekt që është realizuar me buxhetin e Komunës së Ulqinit, deklaroi kryetari i atëhershëm Aleksandar Daboviq. Aq shumë ka mjete Komuna e Ulqinit që një ambient në të cilin ka investuar e lë të shkatërrohet brenda një periudhe të shkurtër kohore.
Me rregullimin e këtij ambienti u tha se do të ketë mundësi që në të ardhmen të organizohen evente të ndryshme muzikore dhe kulturore, por as kjo nuk ka ndodhur.
Sa shumë fjalë, e sa pak vepra.