Nuk ka koalicion me ata që mohojnë malazezët
Prej tvteuta09:18, 7 Dhjetor 2021
![](http://tvteuta.com/wp-content/uploads/2021/12/2895618_20190216000224_5c674a96b789684e9f03b598jpeg_ls.jpg)
Nënkryetari i Partisë Socialdemokrate, Borisllav Banoviq tha se zyrtarisht nuk kanë marrë ftesë nga asnjë parti për negociata për formimin e qeverisë në Cetinë. Ai në programin e mëngjesit të RTMZ tha se është e pamundur të bëhet koalicion me partitë që mohojnë malazezët apo ndonjë komb në Mal të Zi, apo ata që janë pro konfiskimit të pronësisë mbi Manastirin e Cetinës.
Banoviq tha gjithashtu se mund të bëjnë koalicion vetëm me subjekte që ushqejnë vlerat antifashiste dhe respektojnë identitetin kombëtar dhe fetar. Ai po ashtu tha se ishte mirë që SDP-ja gjendet në një pozicion politik në të cilin kishte interes për bashkëpunim nga të gjitha anët.