=Një grup kriminel nga Mali i Zi qëndron pas sulmit me armë zjarri ndaj gazetares së “Vijesti” Olivera Llakiq, ka  njoftuar ndihmësi i drejtorit të Drejtorisë së policisë, Enis Bakoviq, duke u bazuar në të dhënat operative. Sipas po këtyre të dhënave , policia ka njohuri se kush e ka kryer sulmin, por grupi ndodhet jashtë jurisdiksionit të drejtësisë malazeze  prandaj për këtë do të kërkohet ndihma e insitutucioneve ndërkombëtare. Gazetarja Olivera Llakiq u plagos në natën e 8 majit derisa po kthehej në banesën e saj në një lagje të Podgoricës.