Instituti për Shëndet Publik i Malit të Zi ka regjistruar 736 raste të kollës së mirë që nga nëntori i vitit të kaluar.

Siç njofton ISHP, numri më i madh i rasteve është zbuluar në Podgoricë (537), pasuar nga DanilLovgradI (35), Tivar (35), Berane (31), Nikshiq (22), Budva (13), Cetinë (13), Kotorr (10), Bijello Pole (9), Tivat (8), Herceg Novi (7), Zetë (5), Ulqin (4), Mojkovac (3), Andrijevicë (2), Petnjicë (1) dhe Plevla ( 1).

Sipas informacioneve që disponon ISHP, që nga fillimi i dhjetorit në Mal të Zi janë shtruar në spital për shkak të kollës së mirë 45 persona, prej të cilëve një pacient aktualisht është në trajtim spitalor

Sipas informacioneve që disponon ISHP, që nga fillimi i dhjetorit në Mal të Zi janë shtruar në spital për shkak të kollës së mirë 45 persona, prej të cilëve një pacient aktualisht është në trajtim spitalor.

Në mesin e të shtruarve peshën më të madhe e kishin fëmijët nën pesë vjeç (30), përkatësisht foshnjat nën 12 muaj, ndër të cilët 10 të shtruar dhe fëmijët e moshës 1 deri në 5 vjeç, ndër të cilët 20 të shtruar.

Ndër të shtruarit në spital, 43 persona nuk ishin vaksinuar, ose kishin kaluar pesë ose më shumë vite nga doza e fundit e vaksinës (doza e tretë e vaksinës ose rivaksinimi i parë) me komponentin kundër kollës së mirë derisa u sëmurën.

“I bëjmë thirrje prindërve që të sjellin fëmijët e tyre për vaksinim në përputhje me kalendarin e vaksinimit dhe të mos e vonojnë vaksinimin pa kundërindikacione mjekësore të përcaktuara dhe të deklaruara me shkrim nga mjeku. Vaksinimi në kohë është shumë i rëndësishëm dhe vonimi i vaksinimit pa një arsye të përcaktuar dhe të justifikuar mjekësor mund të jetë shumë i rrezikshëm sepse në këtë mënyrë zgjatet periudha kur fëmijët janë të ndjeshëm ndaj infeksioneve nga patogjenë të caktuar dhe mund të sjellin pasoja të rënda”, thuhet në njoftimin e ISHP-së.