Përfaqësuesit e Lëvizjes për Podgoricën thanë se do t’ua kthejnë mandatin qytetarëve.

Kështu thanë në konferencën e sotme për media.

“Ne kemi deklaruar se do ta shkurtojmë mandatin e Kuvendit që qytetarët të vlerësojnë se kush ka bërë mirë, presim që këshilltarët të tregojnë përgjegjësi, sidomos ata të qeverisë dhe të gjithë do ta shkurtojmë mandatin e Kuvendit. ”, tha këshilltarja Nagja Lilaniq.

Ajo shtoi se do të votojë për shkurtimin, por pret që të njëjtën gjë të bëjnë edhe kolegët që shprehin pakënaqësi për funksionimin e kryeqytetit.

“Para së gjithash po mendoj për kolegët e mi nga qeveria. Besimi në Lëvizjen Evropa Tani ka humbur. Qëndrimi ynë është të kthejmë mandatin. Ne e morëm atë vendim dhe presim që të gjithë këshilltarët me ndërgjegje të marrin një vendim për shkurtimin e mandatit të Kuvendit. “, tha Lilaniq.

Nuk do të votohet nisma për shkarkimin e Injac, sepse duan një person në mandatin teknik në kryeqytet që të merret me punët derisa të vijë një kryetar i ri.

“Nuk presim mbështetje vetëm nga blloku 11, por nga të gjithë këshilltarët e ndërgjegjshëm”, ka theksuar Lilaniq.

Ajo theksoi se kanë përkrahur promovimin e konceptit të qeverisjes së mirë që është prezantuar para zgjedhjeve të mëparshme të udhëhequra nga Jakov Millatoviq, dhe kjo nënkuptonte jo vetëm që partia të jetë përgjegjëse ndaj votuesve të saj nga një cikël zgjedhor në tjetrin, por edhe përgjegjësi ndaj të gjithë qytetarëve dhe komunitetit më të gjerë.