Gjatë festave të ardhshme do të kryhen aksione të kontrollit të pjesëmarrësve në trafik dhe respektimit të orarit të punës të subjekteve afariste, me qëllim që të sigurohet qarkullimi i pandërprerë dhe rendi publik komunal gjatë festave, kur pritet rritje e numrit të automjeteve në rrugët.

Nga data 30 prill deri më 3 maj do të ndalohet qarkullimi në rrugën “Ali Riza Ulqinaku” (nga objekti “Poseidon”) dhe rruga “Detarët e Ulqinit” deri në kthesën në drejtim të lokacionit të ish-hotel Jadran, nga ora 20:00 deri në orën 24:00.⛔

Ndërsa për shkak të manifestimit “Të gjithë për turizëm” më 30 prill 2022, do të ndërpritet përkohësisht lëvizja e të gjitha kategorive të automjeteve në “Ali Riza Ulqinaku” (nga rrethrrotullimi) dhe “Detarët e Ulqinit” deri në kthesën në drejtim të lokacionit të ish-hotel, në periudhën nga ora 12:00 – 14:00.