Këshilli miraton propozimin për tërheqjen e fjalorit
Prej tvteuta10:05, 26 Korrik 2016
![](http://tvteuta.com/wp-content/uploads/2016/07/Keshilli44-110x96.jpg)
Propozim-rezoluta e dorëzuar nga deputetët Genci Nimanbegu dhe Nik Gjeloshaj pranë Kuvendit të Malit të Zi nëpërmes të cilës kërkohet tërheqja e Fjalorit të gjuhës popullore dhe letrare malazeze si dhe kërkim falje nga CANU, është përkrahur dje edhe nga komisioni për Arsim dhe Shkencë.
Për këtë votuan tre deputetët e PDS dhe deputeti i Partisë Liberale, kundër ishte Branka Boshnjak nga Fronti Demokratik ndërsa i përmbajtur ishte Vuk Roqen nga PDS për shkak të pikës së gjashtë të rezolutës. Duke arsytuar rezolutën Nik Gjeloshaj tha se për këtë hap ishin të detyruar pasi Akademia nuk u distancua nga fjalori.
Andrija Popoviq nga Partia Liberale shprehu besimin se udhëheqja e re e Akademisë (CANU) do ta tërheqi Fjalorin për shkak se ai është një goditje e rëndë për Malin e Zi multietnik.