Deputeti i LQ URA, Millosh Konatar, theksoi se janë të zhgënjyer, sepse kryeministri Millojko Spajiq ka mashtruar qytetarët e Malit të Zi. Përgjegjësia për paqëndrueshmërinë financiare që do të pasojë i takon vetëm kryeministrit dhe ekipit të tij. Siç tha ai në konferencën për media, ajo që u premtua nga Lëvizja Evropa Tani në fushatën parazgjedhore, pas prezantimit të programit Evropa Tani 2, është e qartë se nuk do të realizohet.

Konatar tha se dje në prezantimin e Programit Evropa Tani 2 u tha se paga minimale mesatare do të jetë 700 euro.

“A ka dëgjuar dikush ndonjëherë për pagën minimale mesatare. Ai term nuk ekziston dhe kur shikon gjithçka, shohim se paga minimale do të jetë 600 euro, jo 700, siç tha kryeministri Spajiq. Sa i përket njoftimit për Shtatë orë pune, dëgjuam dje, as ministri i Punës dhe as kryeministri nuk thanë se do të plotësohej. Më kujtohet kalkulatori i famshëm, nëse dhia gënjen, briri nuk gënjen. Nëse shkruani pagën tuaj neto në atë kalkulator, do të shihni se çfarë ishte një rritje prej 25 përqind. Është premtuar se të gjitha pagat do të rriten për 25 për qind me programin Evropa Tani 2, dhe gjithçka tjetër është gënjeshtër e Millojko Spajiqit dhe njerëzve rreth tij”, theksoi Konatar.

Aktualisht 825 euro është paga mesatare dhe sipas programit Evropa Tani 2 do të rritet për 6.13 për qind dhe kjo, siç theksoi ai, , në kohën më të shkurtër të mundshme,të programit Evropa Tani 2.

“Dëgjuam gjithashtu se ulja e kontributeve nga Fondi i PIO nuk do të ndikojë në financat publike. Të hyrat fillestare nga Fondi PIO ishin planifikuar në nivelin prej 610 milionë euro, por tani po zvogëlohen me më shumë se dyfish. Le të supozojmë se buxhetit do t’i mungojnë nga 180 deri në 200 milionë euro dhe dua t’ju kujtoj janarin e këtij viti kur Kuvendi votoi rritjen e pensioneve minimale dhe më pas u tha se për këtë masë do të mungojnë nga 130 deri në 150 milionë euro. Buxheti i Malit të Zi, në thelb,“- tha Konatar.

Ai tha se URA do të vazhdojë këtë histori dhe do të marrë pjesë në diskutimin publik për dokumentin e Strategjisë Fiskale dhe mezi presin që të vijë në Kuvend

“Mezi presim seancën e kontrollit të Spajiqit dhe ministrit të Financave Novica Vukoviq në Kuvend dhe e ftoj kryeministrin që të ftojë shefin e kabinetit z. Krvavac, sepse ai dje foli më shumë se ministri i Financave. Ne i presim në Kuvend. Ne do të bëjmë gjithçka që është në fuqinë tonë për të ndalur sa më shpejt këtë lojë të rrezikshme dhe të bixhozit.Dhe askush të mos dyshojë, kjo ulje e kontributeve është fillimi i heqjes së Fondit të PIO dhe kjo është një vijë e kuqe që askush nuk duhet ta kalojë”, tha Konatar.

Ai gjithashtu theksoi se i vjen keq që ata që ishin dje me Spajiqin nga shumica parlamentare janë pajtuar të marrin përgjegjësinë për atë që do të ndodhë në të ardhmen.