Viti i kaluar la një arkë të zbrazët në pothuajse të gjitha kompanitë në Ulqin dhe pandemia i zvogëloi shumë të ardhurat e Ndërmarrjes Publike Shërbimit të Parkimit. Sidoqoftë, ky vit ka balancuar financat e kompanisë dhe kanë mbetur mjaft fonde për investime të mundshme.

“Ne dolëm nga një situatë shumë e vështirë, financiare dhe shëndetësore, nga muaji maj kishim 17 punëtorë që ishin të prekur nga koronavirusin. Gjatë sezonit, ne kemi stabilizuar punën e Parking Servisit, mund të themi se jemi të kënaqur dhe financat janë realizuar  90% në nivel me vitin rekord të 2019-tës ”, tha drejtori i kësaj ndërmarrje, Aleksandar Jacoviq.

Këtë vit, janë investuar fonde për rregullimin e parkingjeve ekzistues, ndërsa disa investime të reja tashmë janë duke u realizuar, dhe një prej tyre – ndërtimi i një hapësire të re parkimi në qendër të qytetit ka filluar kohët e fundit. Nga ana tjetër, për shkak të investimeve të reja të paralajmëruara në disa pjesë të qytetit, hapësirat ekzistuese të parkimit do të hiqen, dhe për këtë arsye ekziston mundësia e ndërtimit të hapësirave të reja të garazhit në pjesën drejt Plazhit të Vogël.

Edhe pse u njoftua më herët, Bulevardi Teuta ende nuk ka vende parkimi dhe Jacoviq beson se ato së shpejti mund të formohen edhe në atë pjesë të qytetit. I pyetur se si e vlerëson bashkëpunimin e Shërbimit të Parkimit me Policinë Komunale, Jacoviq beson se bashkëpunimi ishte solid, por se për shkak të mungesës së stafit, Policia Komunale ishte e mbingarkuar me detyra të tjera brenda kompetencave të saj dhe se ata nuk mund të plotësojnë gjithmonë nevojat e qytetarëve.

Drejtori i Parking Servisit beson se me pëlqimin e Komunës së Ulqinit, një pjesë e hapësirës së parkimit do të jetë falas. Nga ndërmarrja Parking Servis njoftojnë instalimin e njehsorëve të rinj të parkimit në qytet, i cili ndjek trendet e rregullimit të trafikut si në qytetet e tjera turistike. Për shkak të procedurave të tenderit që duhet të ndiqen ligjërisht, ata shpresojnë se investimi i përmendur, të cilin e mbulojnë nga fondet e tyre, do të realizohet deri në fund të vitit, përfundojnë nga kjo kompani.