Gjenerata e parë e studentëve të FSB mori gradën Bachelor
Prej tvteuta15:20, 15 Shtator 2018
17 student nga gjenerata e parë të Fakultetit të Studimeve të Biznesit Mesdhetar në Ulqin , përfunduan me sukses studimet bazike akademike. Në ceremoninë solemne, zëvendësdekani docent doc. Nikola Vukçeviq në fjalën e tij përshëndetëse u tha studentëve të mos qëndrojnë në rezultatet e arritura, por të jenë gjithmonë të etur për dije.
“Fakulteti i Studimeve të Biznesit Mesdhetar në Ulqin përfaqëson institucionin , qëllimi kryesor i të cilit është krijimi i stafit të arsimit të lartë për nevojat e ardhmërisë së Ulqinit dhe Malit të Zi. Të gjitha aktivitetet në fakultetin tonë janë të fokusuara në rritjen e cilësisë së procesit shkencor dhe mësimor. Dëshiroj që të gjithë studetëve të tashëm dhe të ardhshëm t’u ofrojmë mundësinë për vlerësimin e diplomave të tyre edhe në tregun e punës në Mal të Zi” tha Vukçeviq.