Festivali i Parë Ndërkombëtar i Muzikës në Ulqin
Prej tvteuta15:59, 30 Gusht 2016
![](http://tvteuta.com/wp-content/uploads/2016/08/festivali-muzikor1-110x96.jpg)
Festivali i parë ndërkombëtar i muzikës në Ulqin bën debutimin e tij të premten , 9 Shtator deri të dielen 11 Shtator 2016, në mjedise të ndryshme skenike të qytetit bregdetar të Ulqinit. Ky festival do të shfaqë talentet e shquara të muzikantëve Ballkanas si dhe të artistëve të njohur ndërkombëtarisht nga e gjithë bota. Këtë vit festivali do të paraqesë artist nga Mali Zi si, sopranon Gjylie Pelingu dhe pianisten Iliriana Gjoni, gjithashtu pianisten nga Serbia Natasha Mitroviq si dhe grupin muzikor nga Nju Jorku “Poetika Muzika” ,duke përfshire, Oren Fader në gitar, Barry Crawford në flaut dhe sopranon Eleanor Valkenburg. Ato do të interpretojnë vepra muzikore nga Debusi, Çajkovski, Bogdanoviq, Shopen, Mendelson dhe Gershvin gjithashtu këngë dhe pjesë në piano nga kompozitor shqipëtarë Tonin Harapi dhe Zef Çobaj.
Në qytetin e bukur dhe romantik të Ulqinit me plazhet e paprekura dhe rrethinën kodrinore me në krye Kalanë paraqet sfondin e pëkryer për festivalin e parë ndërkombëtarë të muzikes. Muzikant të ri dhe të talentuar si dhe profesionist të kalitur nga i gjithë Ballkani por edhe më tej, do të kenë mundësinë të bashkëveprojnë dhe të ndërthurin talentet duke e ndarë muziken e tyre me qytetarët vendas dhe turistët nga e gjithë bota.
Festivali është i mbështetur nga Fondacioni Kulturor Shqiptaro-Amerikan në Nju Jork, bashk- organizatorët Hoteli Palata Venezia dhe Hoteli Mediteran në bashkëpunim me Shkollën e Muzikes në Ulqin dhe Komunën e Ulqinit. Për të gjitha koncertet hyrja është e lirë.
Koncerti i Natës së Hapjes
Netët Ballkanike
Të premten, 9 Shtator 2016 në ora 20:00
Hoteli Mediteran-Salla e Konferencave
Artistët: Gjylie Pelingu, soprano, Iliriana Gjoni, pianiste, Oren Fader, gitarist, Natasa Mitrovic, pianiste dhe Eleanor Valkenburg, soprano.
Vepra nga Kopland, Bogdanoviq, Gershvin gjithashtu këngë dhe solo në piano nga kompozitor shqipëtarë.
Fuqia e të Dyve
Të shtunën, 10 Shtator në ora 20:00
Hoteli Mediteran-Salla e Konferencave
Artistët: Iliriana Gjoni, pianiste dhe Natasha Mitroviq, pianiste
Vepra nga Çajkovski , Debusi, Shopen dhe Mendelson duke përfshirë “Arrëthyesin” i përshtatur për interpretim me katër duar.
Koncert Dite – i hapur*
Të dielen, 11 Shtator në ora 11:00
Hotel Palata Venezia
Artisti Oren Fader në gitar
Vepra nga Lauro, Rodrigo, Karter dhe të tjerë.
Koncerti i Natës Mbyllëse – i hapur*
Nga Dy Amerikan
Të dielen, 11 Shtator në ora 17:00
Hoteli Palata Venezia
Artistët: Gjylie Pelingu, soprano, Oren Fader, gitarist, Barry Crawford, flautist dhe Eleanor Valkenburg, soprano
Vepra nga Piazola, Gershvin, Villa-Lobos, Corigliano, Negro Spirituals si dhe këngë nga Brodvei.
- (Lokacioni në rast të motit me shi: Salla e Konferencave në Hotelin Palata Venezia)
Iliriana Gjoni, pianiste e lindur në Ulqin është një nga nxënëset e para të Shkollës së Muzikës në Ulqin.
Ajo ka fituar një numer të madh çmimesh ndërkombëtare duke përfshirë çmimin e parë në Garat e Muzikantëve të Rinj të Malit të Zi dhe çmimin e parë në Garat Kombëtarë në Guardiagele të Italisë. Ajo së fundmi ka fituar titullin Master i Muzikës në piano dhe muzikë dhome nga Universiteti Karlsruhe. Ajo tani kohën e saj e ndan në mes të mësimdhënies në Karlsruhe dhe Mynih dhe performancave të shpeshta.
Gjylie Pelingu, soprano e diplomuar në Fakultetin e Muzikës në Tiranë, Shqipëri. Ka fituar çmimin e parë në Garat Republikane në Mal të Zi si dhe vendin e parë në “Ars Kosova” kompeticion ky i mbajtur në Prishtinë të Kosovës. Ajo ka performuar në shtetet Ballkanike si Shqipëria, Sllovenia, Austria, Kosova dhe Mali i Zi. Aktualisht ajo punon si mësimdhënëse ne Shkollën e Muzikës në Ulqin.
Natasha Mitroviq, pianiste me fame e njohur si pianistja më e re e emruar profesoreshë në Konservatorin e Muzikës në Beograd. Ajo është fituese e bursës Fullbrajt dhe ka studiuar në Universitetin e Miçiganit në Ann Arbor. Ajo ka performuar në vende si Kuvait, Shtetet e Bashkuara të Amerikës, Kinë, Japoni, Francë dhe Gjermani si dhe në vendet Ballkanike ku vazhdon punën si mësuese e respektuar dhe e zellshme e konsevatorit.
Treshja Poetika Muzika, janë një ansambël nga Nju Jorku që performojnë muzikë dhome. Performancat e tyre shtrihen në më shumë se 60 shtete duke përfshirë Perun, Xhamajken, Norvegjin, Danimarken, Turqinë, Jordanin, Indinë dhe Izraelin. Ansambli ka interpretuar edhe në festivale prestigjoze ku numrojmë Festivalin Ndërkombëtar të Muzikës në Stamboll, Festivalin Ndërkombëtar të Muzikës në Bergen të Norvegjisë dhe Festivalin e Sarajevës. Këtë sezon ato do bëjnë turne në vende si Kosova, Bullgaria, Greqia dhe Afrika e Jugut.
Për më shumë informata, ju lutem, kontaktoni z. Arsllan Hajdinagen nga Kabineti i Kryetarit të Komunes së Ulqinit në 069 400 473.