Mbrëmë në Krajë u organizua manifestimi “Ditës e Diasporës”, i cili edhe një herë Krajën e ktheu në kohëra kur qendra e saj ishte plot me njerëz. Nën muzikën e këngëtarëve të njohur nga Kraja dhe rajoni, të pranishmit patën mundësi të kënaqen me valle tradicionale por edhe biseda me të afërmit dhe të njohurit, duke ngjallur nostalgji për kohërat e kaluara.

Nga shoqata “Kraja”, të cilët ishin organizatorë të këtij manifestimi, thanë për Televizionin Teuta se janë shumë të kënaqur me mbarëvajtjen e organizimit dhe me pjesmarrjen, dhe në të ardhmen kanë synim të vazhdojnë me aktivitete të tilla me qëllim që sadopak të ndihmojnë vendlindjen.