Në disa qytete të Malit të Zi përgjatë dy ditëve me koncerte dhe manifestime të tjera është shënuar festa e Pavarësisë – 21 maji. Dje u organizua festa qendrore në Cetinë, ndërsa një numër i madh i njerëzve u mblodhën për të festuar edhe në Tivar, Nikshiq, Danillovgrad, Kotorr… Festimi i 16-vjetorit të rivendosjes së pavarësisë filloi mbrëmjen e 20 majit me një koncert në Podgoricë.

Dita e Pavarësisë së Malit të Zi u festua nga vizitorë dhe qytetarë të shumtë të Tivarit nën tingujt e yjeve të muzikës rajonale Senidah dhe Dino Merlin.

Merlin në fillim të koncertit ka uruar të pranishmit për 21 majin – Ditën e Pavarësisë së Malit të Zi dhe tha:

“Kjo është një ceremoni e madhe. Më pëlqen që jam këtu”, tha ai.