Në të gjithë botën sot shënohet Dita Botërore e Ushqimit . Mali i Zi e mirëpret atë me të dhënat e Kombeve të Bashkuara, që qytetarët tanë hedhin më shumë ushqim në krahasim me vendet e tjera të ish -Jugosllavisë. Nga ana tjetër, pandemia e koronavirusit dhe kriza ekonomike kanë rritur numrin e përdoruesve në kuzhinat popullore në të gjithë vendin.

Rezultatet paraprake tregojnë një përqindje të lartë të fëmijëve mbipeshë dhe obezë në Mal të Zi, paralajmërojnë studiuesit nga Fakulteti i Sportit dhe Edukimit Fizik në Universitetin e Malit të Zi. Monitorimi afatgjatë i përbërjes së trupit të fëmijëve tregon se mënyra jetesës së shëndetshme është e dëmtuar dhe se prindërit në shtëpi dhe mësuesit në shkolla, duhet të luajnë një rol kyç në ndryshimin e zakoneve të këqija kur bëhet fjalë për nivelet e aktivitetit fizik, dietën dhe kohën e kaluar para ekraneve.

Studiuesit nga Fakulteti i Sporteve thonë se janë duke punuar në analizën e obezitetit nga komunat dhe thonë se së shpejti do të dalin në publik me të dhëna që do të tregojnë në cilat komuna malazeze fëmijët janë mbi peshë, dhe në të cilët janë më pak mbi peshë.

Dhe ndërsa disa fëmijë janë obezë, të tjerët në vendin tonë – për fat të keq vuajnë nga uria. Në disa qytete malazeze, si në Podgoricë, Tivar, Nikshiq, Biello Pole dhe Berane, ka kuzhina popullore, ndërsa në Ulqin nuk ekziston një e tillë.