Ambasadori i Gjermanisë vizitoi Ulqinin
Prej tvteuta17:58, 13 Mars 2020
![](http://tvteuta.com/wp-content/uploads/2020/03/komuna8089uiio-110x96.jpg)
Kryetari i Ulqinit Loro Nrekiq dhe nenkryetarët Hadixhe Gjoni dhe Astrit Hoxha zhvilluan një takim me ambasadorin e Republikës Federale të Gjermanisë në Podgorice Dr. Robert Veber. Kryetari, Nrekiq e njoftoi ambasadorin gjerman me asetet e jashtëzakonshme të trashëgimisë kulturore të qytetit të Ulqinit dhe historinë e lashtë të tij, stadin aktual të zhvillimit si dhe me punën e komunes në drejtim të përmirësimit të jetesës së qytetarëve. Nga ana e tij ambasadori gjerman ka falenderuar kryetarin për pritjen dhe deklaroi se Ulqini është një qytet mjaft i rëndësishëm turistik dhe me resurse të mëdha ekonomike dhe mjaft tërheqës për gjermanët. Më pas Weber u takua edhe me kryetarin e Kuvendit Komunal Ilir Çapuni dhe përfaqësues të partive politike, ku u shtjelluan disa tema, si Kriporja e Ulqinit dhe zhvillimi turistik i qytetit, për çka do të ketë përkrahje të vazhdueshme nga ana e shtetit gjerman.