Afro 28 mijë azilkërkues nga Kosova janë kthyer brenda dy vjetësh
Prej tvteuta13:28, 31 Tetor 2016
![](http://tvteuta.com/wp-content/uploads/2016/10/azil55-110x96.jpg)
Dhjetë mijë azilkërkues nga Kosova janë kthyer gjatë këtij viti nga shtetet perëndimore.Të kthyerit janë kryesisht qytetarë që e kanë lënë vendin në valën e largimit masiv, dy vjet më parë. Më së shumti janë kthyer nga Gjermania, mbi 4 mijë persona. Dhe është pikërisht Qeveria gjermane që pritet të vazhdojë largimin e azilkërkuesve.
Javën e kaluar Berlini zyrtar ka bërë të ditur se nga afro 550 mijë azilkërkues nga vendet e ndryshme të botës, janë 68.594 shtetas të Kosovës të cilëve u janë refuzuar kërkesat për qëndrim në këtë vend.
Ministria e Punëve të Brendshme e Kosovës nuk ka dhënë ende sqarim zyrtar lidhur me vendimin e autoriteteve gjermane.