Në Qendrën Klinike të Malit të Zi prej sot janë ndaluar vizitat pacientëve të shtruar në spital, kanë bërë me dije nga ky institucion shëndetësor.

Siç sqaruan ata, ndalimi i vizitave është në përputhje me rekomandimet e Institutit të Shëndetit Publik të Malit të Zi , për shkak të rritjes së regjistruar të aktivitetit të virusit të gripit dhe rritjes së numrit të pacientëve që vuajnë nga sëmundjet e  manifestuara nga simptomat e gripit në territorin e Malit të Zi.

“Informacionin mbi gjendjen shëndetësore të pacientëve mund të merret nga anëtarët e afërt të familjes (bashkëshorti, prindërit ose fëmijët) në repartin e këtij institucioni  me anë të  telefonit çdo ditë nga ora 14 deri në 15”, thuhet në deklaratë.