Momçilo Gjurishiq nga Ulqini është plagosur në lagjen Pinjesh, ku ka edhe vendbanimin, dhe pas trajtimit në spital ndodhet jashtë rrezikut për jetën. Policia nuk ka dhënë detaje për rastin, por janë vendosur në kërkim të autorit apo autorëve. Më herët këtë vit nën makinën e një prej pjestarit të kësaj familjeje u gjend i vendosur një mjet shpërthyes, kurse djali i të plagosurit, Savo Gjurishiq, ndodhet në burg për vrasje.