Ulqini e dëshmoi edhe një herë se ka zemër të madhe
Prej tvteuta16:23, 16 Tetor 2018
Me dhjetra paketa ushqimore nga dhjetera donatorë , perfaqësues të pushtetit lokal , përfaqësues të institucioneve fetare , sportistë , afaristë e persona të shumtë të vullnetit të mirë, u bashkuan sot me TV Teuta për të shënuar të gjithe së bashku 16 tetorin, ” Diten botërore të ushqimit “, e cila i dedikohet miliona njerëzve në botë të cilët vuajn dhe vdesin nga uria .
Është ky viti i parë që kjo datë shenohet në Ulqin , dhe fatmirësisht të gjitha institucionet dhe personat e kontakuar pa asnje hezitim e kanë pranuar ftesën për ti dhënë jetë këtij aktiviteti. Manifestimin e ka shpallur te hapur nenkryetarja e Komunës se Ulqinit, Hatixhe Gjoni, e cila përgezoi organizatorët për idene dhe inicativën e marrë, duke shpresuar që organizimet e kësaj natyre të bëhen më të shpeshta. Të pranishmit e treguan zemërgjerësinë e tyre edhe me grumbullimin e të hollave, plotë 350 euro, të cilat do ju jepen organizatave humanitare “Bereqeti dhe “Këshilla”, për ti shpërndarë për familjet në nevojë.
TV Teuta me këtë rast falenderon të gjithë personat që i janë gjetur pranë në organizimin e këtij aktiviteti.